ინტელის ტრენინგის მეხუთე დღის რეფლექსია

დღეს განვიხილეთ სხვადასხვა ტიპის შეფასების რუბრიკები. კერძოდ, პროექტის სხვადასხვა ეტაპზე განხორციელებულ ცალკეულ აქტივობათა რუბრიკები და მთლიანი პროექტის შეფასების რუბრიკა. ვისწავლეთ Google Drive-დან ბლოგზე პრეზენტაციის განთავსება და ასევე, Google+ ში გაზიარება.

პროექტის პრეზენტაცია

ინტელის ტრენინგის მესამე დღის რეფლექსია

  ტრენინგის მესამე დღეს დაგვევალა, ჩვენი პროექტისთვის მოგვეფიქრებინა მიმართულების მიმცემი საკვანძო კითხვები, რომელიც განვათავსეთ ჩვენს ბლოგზე. შემდეგ, გავეცანით ერთმანეთის ბლოგზე განთავსებულ ინფორმაციას და გავაკეთეთ კომენტარები.
  ასევე, ვისწავლეთ თუ როგორ უნდა ავაწყოთ სხვადასხვა დიზაინის ბუკლეტები Word-ის ფაილში. შემდეგ, ინდივიდუალურად შევქმენით ჩვენი პროექტების სარეკლამო–საინფორმაციო ბუკლეტები. საკმაოდ ნაყოფიერი დღე იყო. 

მიმართულების მიმცემი საკვანძო კითხვები

თემა
ფიფქია და შვიდი ჯუჯა 
ადაპტირებული სპექტაკლი

ზოგადი კითხვა:

რატომ იგონებენ ზღაპრებს?

თემატური კითხვა:

რა ძირითადი თვისებები ახასიათებთ ზღაპრის მთავარ გმირებს?

შინაარსობრივი კითხვები:

რა შეუძლია ფიფქიას?

როგორ მოახერხა ფიფქიამ პრობლემის დაძლევა?

ინტელის ტრენინგის მეორე დღის რეფლექსია

დღეს  დეტალურად განვიხილეთ კალიფორნიის ერთ-ერთ სკოლაში განხორციელებული პროექტი "რომეო და ჯულიეტა". ვიმსჯელეთ პროექტის მახასიათებელ ნიშნებზე, შეფასების რუბრიკებზე, სხვადასხვა დიაგრამებზე, რომლის გამოყენებაც  დაგვეხმარება მოსწავლეთა შეფასებაში.  შემდეგ, ყველა მსმენელმა წარმოვადგინეთ იმ პროექტის მოკლე მონახაზი, რომლის განხორციელებასაც ვგეგმავთ.
ასევე, დღევანდელ ტრენინგზე განვიხილეთ ელექტრონული სახელმძღვანელოს შინაარსი, ჩამოვტვირთეთ საჭირო დოკუმენტები და შევინახეთ ისინი ჩვენს მიერ წინასწარ შექმნილ თემატურ საქაღალდეებში.
სამუშაო პროცესი თანდათან უფრო საინტერესო ხდება.

ინტელის ტრენინგის პირველი დღის რეფლექსია

დღეს ძირითადად მიმოვიხილეთ საინფორმაციო ტექნოლოგიური სიახლეები. განსაკუთრებული შთაბეჭდილება მოახდინა ინფორმაციამ სამგანზომილებიანი პრინტერის შესახებ.
შევქმენით ინდივიდუალურად ბლოგები. დაგვევალა მოვიფიქროთ საგანმანათლებლო პროექტის თემა და გავაკეთოთ მისი მოკლე მონახაზი. ტრენერი ძალიან მეგობრული და დაუზარელი ჩანს და იმედია ბევრს საინტერესო იდეებს განვახორციელებთ.